Autoritetet austriake evakuuan qindra pasagjerë nga një tren që mori flakë të mërkurën në mbrëmje ndërsa ndodhej në një tunel dhe, sipas zyrtarëve, rreth 50 persona pësuan lëndime të lehta, kryesisht për shkak të thithjes së tymit.
Treni me rreth 370 pasagjerë ishte në tunelin Fitzens, në lindje të Innsbruck në rajonin e Tirolit, kur shpërtheu zjarri, njoftoi agjencia austriake e lajmeve APA.
Operatori hekurudhor OBB ka thënë se dëmtimi i linjave të energjisë elektrike u raportua rreth orës 20:40 dhe se një veturë mallrash në tren nga Innsbruck në Amsterdam dukej se kishte marrë flakë. Siç thuhet, zjarri është shuar rreth orës 22:20.
Evakuimi përfundoi pak pas orës 23:00.
Shërbimi i Hekurudhave Austriake shkon në disa qytete evropiane dhe ndonjëherë transporton vetura pasagjerësh në vagonë të veçantë. Treni duhej të mbërrinte në Amsterdam këtë mëngjes.
Pasagjerët që nuk kishin nevojë për kujdes mjekësor u dërguan në Innsbruck, ku u organizua akomodimi, nëse ishte e nevojshme.
-
Treni i pasagjerëve del nga shinat në Francë, të paktën 44 të lënduar
-
Treni del nga shinat në Gjermani, raportohet për disa të vdekur
-
Katër të lënduar rëndë nga rënia e kabinës së teleferikut në Austri
-
Të paktën 7 të vdekur nga zjarri në trenin e udhëtarëve në Pakistan
-
Një i vdekur dhe 30 të plagosur pas përplasjes së një treni në Holandë