Pamje nga takimi i djeshëm ndërmjet delegacioneve të udhëhequra nga Tillerson dhe Lavrov (djathtas) në Manilë të Filipineve
Pamje nga takimi i djeshëm ndërmjet delegacioneve të udhëhequra nga Tillerson dhe Lavrov (djathtas) në Manilë të Filipineve
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSekretari amerikan i shtetit, Rex Tillerson, deklaroi se i ka thënë ministrit të jashtëm rus, Sergei Lavrov, se përzierja ruse në zgjedhjet presidenciale të vitit 2016 në Shtetet e Bashkuara, ka krijuar “mosbesim serioz” ndërmjet dy shteteve.
Më tutje, duke folur sot në një forum rajonal në Manilë të Filipineve, ai është shprehur se në takimin me zotin Lavrov, ka thënë se ndërhyrja në zgjedhje ishte “incident serioz”.
Sekretari Tillerson, po ashtu, i ka tërhequr vërejtjen kolegut të tij rus se qeveria e Shteteve të Bashkuara është në procesin e vendosjes ndaj masave të Kremlinit për urdhërim të reduktimit substancial të misionit diplomatik amerikan në Moskë. Këtë veprim Moska e ka ndërmarrë në shenjë të hakmarrjes për sanksionet e reja amerikan kundër Rusisë.
Megjithatë, Tillerson theksoi se Shtetet e Bashkuara dëshirojnë të punojnë me Rusinë dhe se “nuk është e dobishme” të ndërpriten të gjitha lidhjet për shkak të një çështjeje.
Në këtë kuadër, Tillerson u tha gazetarëve se Moska ka sinjalizuar “një lloj të gatishmërisë” për gjetjen e mënyrave për të lëvizur përpara lidhur me situatën në Ukrainë.