Tetë persona kanë vdekur dhe disa tjerë janë lënduar seriozisht në një zjarr që ka shpërthyer në një hostel ilegal në kryeqendrën e Letonisë, Riga, kanë njoftuar zyrtarët letonezë, raporton BBC.
Zjarrfikësit janë ftuar te një apartament në katin më të lartë në një ndërtesë gjashtëkatëshe në rrugën “Merkela” në orët e hershme të së mërkurës.
Së paku 24 persona janë evakuar nga ndërtesa që po digjej, disa duke marrë djegie e disa janë dërguar në spital për shkak të inhalimit të tymit.
Shumica e viktimave besohet se janë turistë të huaj, ka njoftuar kryebashkiaku i Rigas, Martins Stakis.
Stakis ka thënë seë apartamenti nuk kishte leje nga autoritetet për t’u përdorur si hostel.
Edhe
Tre të vdekur dhe dhjetëra të lënduar nga shpërthimi i një zjarri në Budapest
Ai ka thënë se Policia po kërkon ndihmë për të identifikuar viktimat dhe janë angazhuar specialistë për të ndihmuar me pengesat gjuhësore.
Zëvendës-shefi i Policisë, Andrejs Grishins, ka thënë se pos tetë të vdekjurve, janë lënduar edhe nëntë tjerë nga zjarri.
