Rreth 1000 njerëz në Teheran janë akuzuar në lidhje me protestat antiqeveritare që kanë përfshirë Iranin, ka thënë kryeprokurori i qytetit.
Të dyshuarit e akuzuar për “akte sabotimi”, duke përfshirë vrasjen e rojeve të sigurisë dhe zjarrvënien, përballen me gjyqe të hapura masive këtë javë.
Autoritetet nuk kanë thënë se sa janë arrestuar në mbarë vendin, por aktivistet e të drejtave të njeriut e kanë vlerësuan totalin në 14.000, shkruan BBC-ja të hënën.
Njoftimi erdhi pasi dy protestues adoleshentë që dyshohet se u vranë nga forcat e sigurisë u varrosen në veri-lindje të Iranit.
Kumar Daroftateh, 16-vjeçar, u qëllua nga një distancë e afërt në një demonstratë në qytetin e Piranshahrit dhe vdiq në spital të dielën mbrëma, sipas grupit kurd të të drejtave të njeriut Hengaw.
Në funeralin e tij të hënën, të pranishmit bërtisnin parulla kundër qeverisë.
Në jug, në qytetin e Sanandajt, një turmë tjetër u mblodh te varri i Sarina Saedit, e cila gjithashtu ishte 16-vjeçare.
Agjencia e Lajmeve e Aktivistëve të të Drejtave të Njeriut të Iranit (HRANA) raporton se 284 persona, përfshirë 45 fëmijë, janë vrarë nga forcat e sigurisë në shtypjen e protestave, të cilat shpërthyen pas vdekjes në paraburgimin policor të një gruaje të akuzuar se mbante hixhabin e saj “në mënyrë të pahijshme”.
Tridhjetë e pesë personel sigurie janë vrarë gjithashtu, ka thënë ai.