Të paktën 6 të vdekur dhe 3 të zhdukur pas përmbytjes së një varke në Kashmir

Të paktën gjashtë persona kanë humbur jetën dhe tre të tjerë mbeten të zhdukur pas përmbytjes së një varke në lumin Jhelum në Kashmirin e kontrolluar nga India.

Shumica prej 15 pasagjerëve në varkë ishin fëmijë, raporton agjencia e lajmeve “Associated Press”.

Litari që e drejtonte varkën përtej lumit u këput si pasojë e fuqisë së rrjedhës së ujit, duke e përmbytur varkën.

Shirat e dendur të ditëve të fundit, kanë çuar në rritjen e nivelit të ujit në lum.

Aksidentet me varkë janë të zakonshme në Indi, ku shumë prej tyre mbipopullohen apo kanë pajisje të papërshtatshme sigurie.

Vitin e kaluar, 22 persona humbën jetën kur një varkë me më shumë se 30 pasagjerë u përmbyt pranë një plazhi në shtetin Kerala në Indinë jugore.