Të paktën 18 persona që kërkonin tartuf në shkretëtirën siriane janë vrarë nga persona të armatosur të dyshuar të grupit të Shtetit Islamik (IS), ka bërë të ditur një grup monitorues.
Më shumë se 50 të tjerë janë të zhdukur pas sulmit në provincën lindore të Deir al-Zour, sipas Observatorit Sirian për të Drejtat e Njeriut me qendër në Mbretërinë e Bashkuar.
Televizioni pro-qeverisë siriane Al-Mayadeen thotë se të paktën 47 persona u vranë, raportoi BBC.
Agjencia kurde e lajmeve North Press raporton se rreth 40 u vranë, duke përfshirë gra dhe fëmijë.
Vitin e kaluar, dhjetëra mbledhës sirianë të tartufit u vranë në disa sulme me armë. IS-i u fajësua gjerësisht, por grupi nuk e mori përsipër sulmin.
Edhe
Të paktën 26 të vrarë nga IS-i në shkretëtirën siriane
Tartufi i shkretëtirës - kërpudhat e ngrënshme që rriten në zona të thata, janë një delikatesë e çmuar që mund të shiten deri në 35 dollarë për kg në vendin e shkatërruar nga lufta, ku paga minimale mujore është vetëm rreth 14 dollarë dhe vlerësohet se 90% e popullsisë jeton nën kufirin e varfërisë.
