Të paktën 15 persona kanë mbetur të vdekur, përfshirë gra dhe fëmijë, si pasojë e sulmeve izraelite gjatë natës të së shtunës mbi Rripin e Gazës.
Një sulm mbi kampin e refugjatëve "Bureij" në Gazën qendrore la të vdekur nëntë persona, mes tyre dy fëmijë dhe dy gra. Ambulancat i dërguan trupat në spitalin e Martirëve Aksa në qytetin qendror të Deir al-Balah, raporton AP.
Ndërkohë, sulmet izraelite në qytetin jugor të Gazës, Khan Younis, vranë të paktën gjashtë palestinezë, mes tyre një grua dhe dy vajza.
Janë parë edhe re tymi që janë ngritur nga kampi qendror i refugjatëve Nuseirat pas një sulmi.
Ende është e paqartë se çfarë ishte në shënjestër dhe numri i viktimave.
