Ka shkuar në të paktën dhjetë numri i punonjësve zgjedhorë që kanë vdekur në Indonezi.
Një burrë vdiq teksa po rregullonte logjistikën zgjedhore në provincën jugore të Papuas, në lindjen e largët të Indonezisë, kanë bërë të ditur zyrtarët.
Një tjetër zyrtar zgjedhor vdiq në një lumë, nën një urë në Bali, raportoi BBC-ja të mërkurën.
Shifra e të vdekurve në këto zgjedhje është shumë më e ulët se numri i vdekjeve gjatë zgjedhjeve të fundit në vitin 2019. Atë vit, pothuajse 900 punonjës zgjedhorë vdiqën dhe më shumë se 5,000 u sëmurën.
Ministria e Shëndetësisë e Indonezisë ka bërë të ditur muajin e kaluar se do të marrë "masa parandaluese" për të reduktuar vdekjet si këto.
Zgjedhjet në 17,000 ishujt e Indonezisë për të arritur më shumë se 205 milionë votues me të drejtë vote kërkojnë një përpjekje logjistike të përmasave të mëdha.
Edhe
10 të vdekur në Indonezi nga shpërthimi i vullkanit
Punëtorët kanë ecur nëpër xhungla dhe me varka për të dorëzuar kutitë e votimit në zonat më të largëta, në vende si Papua dhe Kalimantan.
Për këtë ata paguhen rreth 1.1 milion rupia indonezian, apo 70 dollarë në muaj - më e ulët se paga mesatare në kryeqytetin Xhakarta.
