Në fund të vitit 2018, shteti i Austrisë ishte në dijeni se 320 shtetas të saj ishin përfshirë ose synonin të merrnin pjesë në xhihadin e Sirisë dhe Irakut. Nga mesi i tyre 58 kanë vdekur, ndërsa 93 janë kthyer në Austri. 62 të tjerëve u ishte pamundësuar ikja nga shteti
Video-provat kanë konfirmuar se shqiptari nga Maqedonia Veriore, i cili ka lënë katër të vrarë në sulmin e së hënës në qendër të Vjenës, ka vepruar i vetëm.
Mirëpo ministri i Punëve të Brendshme, Karl Nehammer, ka thënë të mërkurën se ka pasur një problem me mënyrën e menaxhimit të informacioneve që kishte ofruar Sllovakia, pasi që sulmuesi kishte tentuar të blinte armatim në shtetin fqinj. Ai ka paralajmëruar formimin e një komisioni të pavarur për të hetuar punën e Agjencisë së Inteligjencës së Austrisë.
Nehammer ka thënë po ashtu se duhet të hetohet mënyra e kontrollit të personave që janë konsideruar si të rrezikshëm, pasi 20-vjeçari Kujtim Fejzullai ishte liruar nga burgu pasi kishte arritur të bindte zyrtarët e programit të deradikalizimit se nuk kishte më bindje xhihadiste.
Ministri ka njoftuar se të arrestuarit në Austri kanë prejardhje emigrante. Shefi i Policisë së Vjenës, Gerhard Puerstl, ka thënë se disa prej të arrestuarve kishin shtetësi të dyfishtë të Bangladeshit, Maqedonisë Veriore, Turqisë dhe Rusisë.
Fqinjët e sulmuesit shqiptar kanë bërë të ditur gjatë një interviste për medie se janë tronditur prej sulmit.
Edhe
Dënohen katër xhihadistë në lidhje me sulmin në Vjenë
20-vjeçari, Kujtim Fejzullai, me shtetësi maqedonase dhe austriake, vrau katër persona dhe plagosi 21 të tjerë para se policia ta qëllonte për vdekje në zonën qendrore të Vjenës. Në mesin e viktimave të shqiptarit nga Maqedonia është edhe një bashkëkombës nga Struga.
Imami Gani Nuri ka thënë se nuk e njeh personalisht sulmuesin, porse krejt fshati Çellopek në Maqedoninë Perëndimore ka fjalë të mira për familjen e tij. Ai ka thënë se vetëm pas sulmit, komuniteti ka dëgjuar për lidhjen e sulmuesit me xhihadistët.
“Dua të them se terrorizmi nuk ka asnjë lidhje me islamin”, ka thënë Nuri.
Në Vjenë, Hermann Sherer, që jeton në ndërtesën e njëjtë ku banonte Fejzulai, ka thënë se e kishte parë djaloshin në ditën e sulmit dhe se Kujtimi i kishte ndihmuar një zonje që t’i bartte valixhet shkallëve të bllokut.
Një tjetër fqinje, Cornelia Schafer, e cila gjithashtu u trondit nga lajmi, ka treguar se sulmuesi përherë ishte treguar djalë i sjellshëm.
Fejzulai ishte dënuar më parë për terrorizëm, për shkak se kishte provuar të bëhej pjesë e “Shtetit Islamik”. ISIS-i ka marrë përgjegjësinë e sulmit duke publikuar një video me të cilën dëshmohet besnikëria e Albanit, sikur njihej Fejzullai në radhët e organizatës terroriste, ndaj liderit të “Shtetit Islamik”.
Edhe
Një kosovar në mesin e të akuzuarve si bashkëpunëtor i atentatorit të Vjenës, Kujtim Fejzulai
Në fund të vitit 2018, shteti i Austrisë kishte qenë në dijeni se 320 shtetas të saj ishin përfshirë ose synonin që të merrnin pjesë në xhihadin e Sirisë dhe Irakut. Nga mesi i tyre, 58 kanë vdekur ndërsa 93 janë kthyer në Austri. 62 të tjerëve u ishte pamundësuar ikja nga shteti.
Ministri Nehammer ka përsëritur kritikat për programin e deradikalizimit, duke thënë se vrasësi me përpikëri kishte mashtruar programin që riintegronte në shoqërinë austriake xhihadistët.
