Dy amerikanë dhe një britanik janë vrarë në sulmin raketor mbi bazën ushtarake amerikane në Taji të Irakut, ka bërë të ditur Departamenti i Mbrojtjes i SHBA-së për CNN.
Zyrtarët shtuan se baza u sulmua me 15 raketa të vogla “Katyusha”, të mërkurën mbrëma.
Po ashtu u plagosën 12 ushtarë.
Ndërkohë sipas “Sky News Arabia”, forcat amerikane e kthyen goditjen duke sulmuar bazën e rebelëve irakianë në provincën Anbar, që ndodhet në kufirin Irak – Siri.
Sulmi mbi bazën amerikane është i radhës. Kohët e fundit janë shpeshtuar sulmet mbi forcat amerikane dhe partnerët në Irak.
Para pak kohësh edhe Parlamenti i Irakut votoi për fundin e qëndrimit të trupave të huaja në vend. Nisma u mor pasi u vra komandanti iranian Qasem Soleimani në Irak, në një sulm me dron nga forcat amerikane.
سقوط عشرة صواريخ كاتيوشا داخل معسكر التاجي بدون خسائر , تم العثور على عجلة نوع كيا بنكو تحمل منصة صواريخ فيها ثلاث صواريخ متبقية جنوب منطقة الراشدية. pic.twitter.com/onxirvQgTs
— خلية الإعلام الأمني?? (@SecMedCell) March 11, 2020