Prokurorët suedezë kanë thënë se besojnë që e dinë kush e vrau kryeministrin suedez, Olof Palme më 1986, duke shtuar se i dyshimti ka vdekur.
Ata e kanë identifikuar të dyshimtin si Stig Engstrom, i cili e vrau veten më 2000, raporton BBC, transmeton KOHA.
Si rezultat i kësaj, ata e kanë mbyllur hetimin 34-vjeçar rreth vrasjes së Palmes, ka bërë të ditur kryeprokurori Krister Petersson.
Palme është qëlluar në shpinë, teksa po shkonte në shtëpi nga kinemaja, me bashkëshorten e tij, Lisbet, në Stockholm.
Vrasja ndodhi në rrugën më të frekuentuar në Stockholm dhe dhjetëra dëshmitarë e panë burrin shtatëlartë duke shkrepur, para se të ikte nga vendi i ngjarjes.
Mijëra persona janë marrë në pyetje rreth vrasjes së tij.
Artikuj të ngjashëm
