Presidenti gjerman, Frank-Walter Steinmeier kërkoi sot ndërtimin e urave mbi ndarjet që po thellohen në Europë, disa ditë pas fillimit të procedurës për daljen e Britanisë së Madhe nga BE.
Ish-kreu i diplomacisë gjermane, i cili zgjodhi Parlamentin Europian për fjalimin e parë jashtë vendit që prej marrjes së presidencës, theksoi se gëzimi i tij për të folur në këtë forum nuk ishte “pa hije”, sepse ishte pak e trishtueshme për të marrë fjalën pasi një shtet anëtar kishte nisur procedurën për daljen nga Bashkimi Europian.
Steinmeier, funksioni i ri i të cilit është kryesisht honorifik, kërkoi ”ndërtimin e urave në vend të përpjekjes për t’u fshehur pas xhamit të errët të kombit”, në një kohë kur ”ndarjet po thellohen në Europë”.
Ai bëri një paralajmërim kundër popullizmave që e shikojnë botën bardhë e zi dhe përfitojnë nga frika.
-
Gjermania zotohet të rritë rolin ushtarak në NATO
-
Presidenti gjerman shpërndan parlamentin, zgjedhjet më 23 shkurt
-
Scholzi kërkon reformimin e BE-së për të pranuar më shumë shtete
-
Zelensky kërkon nga Gjermania të rrëzojë “murin kundër lirisë” që po ngrihet në Evropë
-
Frank-Walter Steinmeier rizgjidhet president i Gjermanisë