Vajtimet dhe shprehjet e tjera të pikëllimit bënë jehonë në një kompleks sportiv në Italinë jugore të mërkurën, kur filloi shikimi i arkivoleve të mbyllura, që mbanin trupat e dhjetëra emigrantëve që vdiqën si pasojë e mbytjes së një anijeje.
Ndërkohë, kërkimet nga ajri dhe deti për të gjetur ndonjë nga shumë persona që besohet se janë ende të zhdukur vazhduan për të katërtën ditë.
Televizioni shtetëror italian dhe agjencia e lajmeve LaPresse thanë se trupi i një fëmije ishte i fundit nga tre kufomat që u gjetën, duke e rritur numrin e konfirmuar të vdekjeve në 67.
Të shfaqura pas kësaj kanë qenë rrëfime kontradiktore ose jo plotësisht të sinkronizuara nga autoritetet për atë që dihej për anijen, në orët e fundit të udhëtimit të saj përpara mbytjes, shkruan Associated Press.
Arka prej druri e emigrantëve, e mbushur me pasagjerë që paguanin kontrabandistët për udhëtimin nga Turqia, u përmbys në ujë të trazuar pak larg një plazhi në Kalabri, para agimit të së dielës.
Edhe
Më shumë se 100 emigrantë dyshohet se kanë vdekur në Itali
Tetëdhjetë njerëz i mbijetuan mbytjes së anijes. Sipas rrëfimeve të të mbijetuarve, varka mbante 170 ose më shumë pasagjerë kur u nis nga porti turk i Izmirit disa ditë më parë.
Arkivolët – me ngjyrë kafeje për të rritur dhe të bardhë për fëmijë, u vendosën në rreshta të rregullta në dyshemenë prej druri të objektit sportiv në qytetin e Crotones. Mbi çdo arkivol ishte një buqetë me lule. Disa njerëz shtuan kafshë pellushi, një tjetër një kamion lodër, në arkivolet e fëmijëve.
Më pak se gjysma e arkivoleve mbanin nga një emër - të tjerët u identifikuan me numra që tregonin rendin në të cilin shpëtuesit gjetën trupat, në pritje të identifikimit zyrtar përfundimtar.
Ndër arkivolet pa emër ishte më i vogli. Ajo mbante eshtrat e një fëmije më të vogël se një vit, raportoi agjencia italiane e lajmeve ANSA.
Të mbijetuarit e tragjedisë dhe të afërmit e njerëzve që vdiqën dukeshin të pikëlluar ndërsa përkëdhelnin arkivolet e të dashurve të tyre.
Edhe
Të paktën 11 të vdekur nga përmbysja e një varke me emigrantë në Mesdhe
Sipas rrëfimeve familjare, disa pasagjerë kishin telefonuar familjarët në Evropë dhe të emocionuar u thoshin se mund të shihnin kontinentin italian - rreth një orë para se anija të përplasej me një shkëmb ose një breg rëre në detin Jon.
