Presidentja e Sllovakisë, Zuzana Caputova, u ka dhënë leje nëntë qytetarëve sllovakë për të shërbyer në ushtrinë ukrainase, e cila është duke luftuar kundër pushtimit rus.
Mediat sllovake raportuan më 5 gusht se Caputova i vlerësoi 35 kërkesa të qytetarëve për të luftuar përkrah ushtrisë ukrainase, dhe i pranoi nëntë prej tyre.
Arsyet e pranimit apo refuzimit të kërkesave nuk janë dhënë.
Sipas ligjit në fuqi në Sllovaki, qytetarët sllovakë kanë të drejtë t’i bashkohen ushtrisë së një vendi të huaj vetëm me lejen e presidentit të vendit. Pa një leje të tillë, sllovakët përballen me ndjekje penale.
Në fillim të këtij muaji, Republika e Çekisë njoftoi se u ka dhënë leje të ngjashme 146 qytetarëve të vet qëkur nisi pushtimi rus i Ukrainës në shkurt 2022.
-
Serbia po përpiqet t'i heshtë rusët që po e kundërshtojnë luftën
-
Sllovakia, nikoqire e stërvitjeve të përbashkëta dimërore të NATO-s
-
Zelensky e Fico diskutojnë rreth anëtarësimit të Ukrainës në BE
-
Qindra adoleshentë kroatë paraqiten për shërbimin ushtarak
-
Rusia ofron para, liron të burgosur dhe josh të huaj për t’i plotësuar trupat e veta në Ukrainë