Është pasdite e hershme në shkollën Lintulaakson në Espoo, afër Helsinkit. Fëmijët aty po hanë me nguti para se t’i nisin aktivitetet pas shkollës.
Në katet e sipërme, një grup dymbëdhjetëvjeçarësh po i vijojnë mësimet në orën artizanale, duke prerë modelet e përgatitura dhe duke qepur rroba me makina të qepjes, transmeton Koha Ditore shkrimin e The Guardian.
Jashtë, një grup fëmijësh luajnë në oborrin e përmasave marramendëse, të pajisur me shkëmbinj artificialë për ngjitje, terrene futbolli dhe salla basketbolli.
“Hej, Petteri”, e thërret një djalosh drejtorin, Petteri Kuusimäki. “A mund ta nisim shkollën vitin e ardhshëm paksa më vonë, në orën 10”, ua kthen me shaka Kuusimäki. Të gjithë aty i drejtohen njëri-tjetrit vetëm me emër.
Sistemi arsimor i Finlandës lakmohet në botën mbarë. Bashkë me “Moomins”-ët e Tove Janssonit, telefonat “Nokia” dhe produktet e famshme të xhamit, shkollimi është shndërruar në eksportin më të shquar të vendit – dhe nuk është aspak vështirë të kuptohet se pse.
Shembull finlandez në Britani
Edhe
Vendi me arsimin më të mirë në botë do t’i ndalojë telefonat në shkolla
Nxënësit finlandezë vazhdimisht renditen ndër të parët në listën e vlerësimeve ndërkombëtare të dijes, PISA. Dhe derisa Kuusimäki shoqëron ekipin e gazetës britanike gjatë një vizite përreth shkollës, ai e përshkruan utopinë arsimore – një vend ku mësuesit kanë trajnime të nivelit të lartë, janë të nderuar dhe të besueshëm, dhe ku mirëqenia e fëmijëve vihet para gjithçkaje tjetër.
Aty nuk bëhen inspektime të stilit Ofsted, nuk ka vlerësim sipas aftësive, nuk ka as teste deri në moshën 18-vjeçare, s’ka as uniforma, as tabela shkollore, por as shkolla private me pagesë....(Më gjerësisht lexoni në Koha Ditore)
