VMRO-DPMNE në reagimin e saj pas dështimit të referendumit për konfirmimin e Marrëveshjes për emrin me Greqinë, është shprehur e lumtur, ndërsa i ka quajtur manipulime absurde të Zaevit pohimet për suksesin e tij.
Krahas presioneve, kërcënimeve, shantazheve nga ana e pushtetit, qytetarët i thanë ”Jo” marrëveshjes së dëmshme për ndryshimin e kufijve. Qytetarët zgjodhën alternativën ”Jo” për marrëveshjen me Greqinë. 2/3 e qytetarëve të Maqedonisë u shprehën qartazi se për ta kjo marrëveshje është e papranueshme.
Arsyetimet, interpretimet absurde dhe manipulimet e Zaevit janë të kota, thuhet në reagimin e sotëm të VMRO-DPMNE-së.
“Qytetarët u shprehën qartë se Zaev nuk ka legjitimitet të shtyjë këtë marrëveshje. Qytetarët e hodhën poshtë këtë marrëveshje. Zoran Zaev në vend që të manipulojë duhet të përballet me realitetin dhe ta hedh poshtë këtë marrëveshje, e cila është në dëm të Republikës së Maqedonisë. Shtyrja e dhunshme e kësaj marrëveshje kapitulluese e çon shtetin në udhëkryq. Marrëveshja me Greqinë u hodh poshtë nga ana e qytetarëve, ky vendim duhet të respektohet nga Zaev”, citohet në komunikatën e VMRO-DPMNE-së.
-
Maqedonia para sfidës së re, zgjedhjet duken të pashmangshme
-
Ivanov: Populli e hodhi poshtë Marrëveshjen me Greqinë
-
Mickoski: Populli i tha jo ndryshimit të emrit dhe identitetit
-
Zaev: Një votë më shumë “kundër” do ta anulonte marrëveshjen me Greqinë
-
VMRO-DPMNE: Qytetarët të vendosin sipas bindjeve të tyre në referendum