Të paktën 18 civilë sirianë raportohet se kanë vdekur, si pasojë e sulmeve ajrore që goditën një treg dhe një pjesë industriale.
Sulmet u bënë në qytetin e Idlibit, që ende kontrollohet nga kryengritësit. Një grup monitoruesish tha se aeroplanët e Qeverisë ruse dhe siriane kryenin sulmet, transmeton KTV. Sulmet ajrore ndodhën pavarësisht armëpushimit të sponsorizuar nga Rusia dhe Turqia.
Idlibi është kryeqyteti i krahinës veri-perëndimore me po të njëjtin emër dhe është bastion i fundit i grupeve kryengritëse.
As Qeveria siriane dhe as aleatët rusë nuk i kanë komentuar sulmet e fundit. Edhe Observatori Sirian për Drejtat e Njeriut me qendër në Mbretërinë e Bashkuar i ka konfirmuar sulmet ajrore.
Artikuj të ngjashëm
-
Rusia kryen sulme të reja ajrore në Siri
-
Vriten 22 ushtarë turq në Idlib, Turqia ua hap rrugën refugjatëve sirianë për në Evropë
-
Qindra civilë të vdekur në javët e fundit në Siri nga sulmet e regjimit
-
544 civilë u vranë nga sulmet ruse në Siri
-
Forcat siriane të sigurisë akuzohen për vrasjen e mbi 700 civilëve