Të paktën 100 nxënës dhe shumë mësimdhënës kanë mbetur të ngujuar të mërkurën, pasi që objekti ku ndodhej një shkollë fillore është shembur, në kryeqytetin komercial të Nigerisë, Lagos.
Një gazetar i Reutersit në vendin e ngjarjes e ka parë një djalosh 10-vjeçar duke u nxjerrë nga gërmadhat, i pluhurosur por pa lëndime të dukshme. Turma ka shpërthyer në brohoritje, derisa një fëmijë tjetër është nxjerrë nga gërmadhat. Dy nxënësit ishin në mesin e tetë, sa janë nxjerrë nga gërmadhat deri më tani, transmeton Koha.net.
“Besohet se shumë njerëz, përfshirë fëmijë, kanë mbetur përfundi”, ka thënë Ibrahimi Farinloye, zëdhënës i Agjencisë Nigeriane për Menaxhimin e Gjendjeve Emergjente, duke shtuar se ende nuk ka ndonjë shifër të viktimave.
Banorët e zonës kanë bërë të ditur se rreth 100 fëmijë ndiqnin mësimet në këtë shkollë, që ndodhej në katin e tretë të objektit.
-
Papa Leoni kërkon lirimin e menjëhershëm të të rrëmbyerve në një shkollë në Nigeri
-
Mbi 300 nxënës dhe 12 mësimdhënës rrëmbehen në sulmin në një shkollë në Nigeri
-
32 të vdekur nga stampedot në Nigeri gjatë shpërndarjes së dhuratave të Krishtlindjeve
-
Mbi 100 të burgosur ikin nga një burg në Nigeri
-
Presidenti i Nigerisë refuzon të paguajë haraç për lirimin e 280 nxënësve të kidnapuar