SHBA: Lufta në Ukrainë ka qenë katastrofë strategjike për Rusinë

Lufta në Ukrainë ka qenë një “katastrofë strategjike për Rusinë” dhe një “dështim strategjik për Putinin”, ka thënë të enjten drejtoresha e Komunikimit e Shtëpisë së Bardhë, Kate Bedingfield.

Bedingfield ka deklaruar se tani ka "prova të pakundërshtueshme" se lufta, e cila tani është në javën e saj të pestë, nuk po arrinte atë që presidenti rus, Vladimir Putin kishte vendosur të bënte dhe Kremlini tani po kërkonte të "ripërcaktonte" qëllimet e tij fillestare.

"Ne kemi parë prova të pakundërshtueshme se kjo ka qenë një fatkeqësi strategjike për Rusinë. Ne kemi parë se ky pushtim ka qenë një dështim strategjik për Putinin dhe Rusinë. Ata po punojnë për të ripërcaktuar qëllimet fillestare të pushtimit të tyre. Dhe ne kemi parë, herë pas here, se sanksionet që janë aplikuar janë duke kërkuar kosto ekstreme për ekonominë e tyre”, ka thënë ajo.

Bedingield njoftoi gjithashtu sanksione shtesë ndaj kompanive ruse të teknologjisë që kishin mundësuar luftën e Putinit.

"Ne do t'i parandalojmë ata nga prokurimi i teknologjisë perëndimore dhe shmangia e sanksioneve tona të rënda. Ne po zgjerojmë gjithashtu autoritetin tonë të sanksioneve për të synuar sektorë shtesë të ekonomisë ruse të rëndësishme për Putinin, duke përfshirë hapësirën ajrore, detare dhe sektorët elektronikë”, është shprehur ajo.