SHBA-ja ka thënë se ka penguar një komplot të dyshuar për vrasjen e një qytetari amerikan në New York, që po avokon për një shtet separatist Sikh, raporton “BBC”.
Nikhil Gupta, një shtetas indian, u akuzua se kishte angazhuar vrasës me pagesë. Ai dyshohet se është udhëzuar nga një punonjës qeveritar i Indisë, sipas aktakuzës.
Punonjësi qeveritar nuk është përmendur apo akuzuar. Po ashtu në aktakuzë nuk është përmendur shënjestra.
Por, mediumet amerikane thonë se shënjestra ishte Gurpatwant Singh Pannun, një shtetas amerikano-kanadez që është anëtarë i një grupi aktivist Sikh.
Sikhët janë minoritet fetar që përbëjnë 2 për qind të popullatës në Indi.
Disa grupe kanë bërë thirrje për një shtet për Sikhët.
Shtëpia e Bardhë ka thënë se ka biseduar me Qeverinë e Indisë në nivelin më të lartë për këtë çështje të komplotit.
Ka thënë se zyrtarët e Indisë kanë reaguar me “befasi dhe shqetësim”.
Qeveria e Indisë më herët ka thënë se ka nisur hetimet për shqetësimet e sigurisë të ngritura nga SHBA-ja në lidhje me komplotin.
Sipas aktakuzës, Gupta ishte i përfshirë më herët në trafikim të drogës dhe armëve, para se të angazhohej nga zyrtari qeveritar i Indisë në maj në skemë të vrasjes.
Guptas i ishte thënë të kontaktonte një ndërmjetës në SHBA për planin. Gupta, thuhet, se kishte qëllim të takohej me një vrasës me pagesë që do të mund ta vriste shënjestrën e tij në New York City.
Por, sipas aktakuzës, ai u takua me një policë që po punonte si i maskuar, i cili tha se do ta vriste shënjestrën për 100 mijë dollarë.
Gupta tha se 15 mijë dollarë do t’i paguante më 9 qershor, gjë që janë bërë edhe foto të kësaj pagese.
Autoritetet në Çeki më pas arrestuan Guptan më 30 qershor, pak pasi prokurorët amerikanë lëshuan aktakuzën fillestare.
Ende Gupta është në paraburgim.
