SHBA-ja do të tërheqë personelin e mbetur diplomatik nga Venezuela gjatë kësaj jave, ka bërë të ditur të martën Departamenti amerikan i Shtetit, duke iu referuar përkeqësimit të gjendjes në këtë shtet, pas trazirave politike shumëmuajshe.
Paralajmërimi më i ri i Washingtonit vjen pas vendimit të 24 janarit për reduktimin e stafit të ambasadës në minimum, në shtetin amerikanojugor, të goditur prej trazirave rreth zgjedhjeve të kontestuara presidenciale.
“Vendimi pasqyron gjendjen e përkeqësuar në Venezuelë, ashtu si edhe konkluzën që prania e stafit diplomatik amerikan në ambasadë është bërë pengesë mbi politikën amerikane”, ka bërë të ditur përmes një deklarate Departamenti amerikan i Shtetit, transmeton Koha Ditore.
Artikuj të ngjashëm
-
Washingtoni tërheq personelin diplomatik nga Venezuela
-
SHBA-ja e Venezuela rivendosin marrëdhëniet diplomatike pas arrestimit të Maduros
-
Rusia tërheq stafin diplomatik nga Ukraina
-
SHBA-ja e mbyll Ambasadën në Kiev, zhvendos stafin diplomatik në Lviv
-
SHBA-ja do të evakuojë ambasadën në Ukrainë për shkak të frikës nga Rusia