Avokatja e përgjithshme në New-York, Letitia James, ka urdhëruar “televangjelistin” Jim Bakker, t’i ndalojë menjëherë pretendimet se ka gjetur kurën për koronavirusin nëpërmjet një produkti të cilin ai e shet.
Në episodin e 12 shkurtit të shout “The Jim Bakker”, ai tha se produkti i tij, Silver Solution, mund të trajtojë koronavirusin, raporton KP-ja.
Ai e pranoi se produkti nuk është testuar ndaj virusit Covid-19, por është trajtuar me disa lloje të tjera të koronavirusit dhe se testimi ka dëshmuar se virusi mund të eliminohet brenda 12 orësh.
“E zhduk atë plotësisht. E vret. E çaktivizon”, tha Jim.
Ekipet mjekësore në të gjithë botën ende nuk e kanë gjetur kurën kundër koronavirusit, ndërsa në faqen e tij në internet, Bakker një shishe të këtij ilaçi e shet për 40 dollarë.
Departamenti i Shëndetësisë në SHBA thotë se provat për reagimin efektiv të këtij ilaçi mungojnë dhe ky mund të jetë ilaç i rrezikshëm për shëndetin.
Edhe
Profesori australian pretendon se ka gjetur kurën ndaj koronavirusit
Sipas këtij departamenti, ky ilaç mund të dëmtojë konsumatorët dhe se ‘zbuluesi’ i tij është një mashtrues, andaj është kërkuar nga James të dalë me një deklaratë, ku ai do të pranonte se bëhet fjalë vetëm për propagandë.
Në vitin 1989, Bakker u shpall fajtor në 24 akuza për mashtrim dhe komplot. U dënua me katër vjet burgim.
