Të premten një zyrtar në Uashington ka theksuar se SHBA-të duan të blejë predha artilerie të Koresë së Jugut për t’i dërguar në Ukrainë, përkundër që Seuli këmbëngul se Shtetet e Bashkuara duhet të jenë shfrytëzuesi i fundit i municioneve të tyre dhe se politika e Koresë së Jugut kundër ndihmës me armatim për Ukrainën është e pandryshuar.
Në kushte anonimiteti zyrtari amerikan ka komentuar negociatat që janë duke u zhvilluar dhe ka konfirmuar se Uashingtoni donte të dërgonte predha artilerie koreano-jugore 155mm në Ukrainë.
Zyrtari tha se fondet e Iniciativës për Ndihmën e Sigurisë së Ukrainës (USAI) mund të përdoreshin për të blerë municionet.
Megjithatë, ministria e mbrojtjes e Koresë së Jugut tha se qëndrimi i saj për të mos i dhënë ndihmë Ukrainës është i pandryshuar dhe se negociatat po zhvillohen "nën premisën se SHBA-ja është shfrytëzuesi i fundit".
"Me qëllim që të kompensohet mungesa e municionit të llojit 155 mm në SHBA, negociatat po vazhdojnë midis kompanive amerikane dhe koreane për të eksportuar municione" , thuhet në deklaratën e kësaj ministrie.
Megjithëkëtë sipas zyrtarit amerikan ka theksuar se raportimet për këto negociata mund të kërcënojnë marrëveshjen.
Koreja e Jugut ka kërkuar të shmangë kundërshtimin ndaj Rusisë, si për arsye ekonomike, ashtu edhe për shkak të ndikimit që Moska mund të ushtrojë me Korenë e Veriut. / Reuters
