Shtetet e Bashkuara të Amerikës e kanë kaluar numrin e 1 milion vdekjeve të lidhura me COVID-19, ka konfirmuar të enjten Shtëpia e Bardhë, shkruan BBC.
“Vendi shënoi një moment tragjik. Çdo vdekje ishte humbje e pazëvendësueshme”, ka thënë presidenti i SHBA-së, Joe Biden.
Numri i vdekjeve në SHBA nga COVID-19 është më i madhi në botë, megjithëse Organizata Botërore e Shëndetësisë beson se numri i vërtetë i vdekjeve mund të jetë shumë më i lartë diku tjetër.
SHBA-ja ka regjistruar më shumë se 80 milionë raste me COVID-19, nga një popullsi prej 330 milionë banorësh.
Rasti i parë me COVID-19 u raportua më 20 janar 2020 në Wuhan të Kinës.
