SHBA: Forcat ukrainase po luftojnë për ta rimarrë territorin e humbur

Forcat ukrainase tani po luftojnë për ta rimarrë territorin e shtetit, ka thënë një zyrtar i lartë i mbrojtjes amerikane, të martën, shkruan BBC.

Forcat ukrainase po përpiqen të rimarrin territorin që rusët e kishin fituar në ditët e fundit, sipas një zyrtari të lartë të mbrojtjes amerikane, duke i quajtur ata “të aftë dhe të gatshëm” për ta bërë këtë.

Zyrtari përmendi shembujt e ukrainasve që luftojnë për të rikthyer Khersonin, si dhe duke i shtyrë forcat ruse nga verilindja e Mykolaivit që duhet të ripozicionohen në jug të qytetit.

Zyrtari paralajmëroi se SHBA-ja nuk mund të thotë nëse këto lëvizje janë pjesë e një “plani më të madh operacional” nga ukrainasit apo jo.

Mbrojtja ukrainase ka qenë “e shkathët”, sipas zyrtarit.