Policia ka shtënë me armë zjarri në drejtim të protestuesve myslimanë shiitë të cilët po kërkonin lirimin e liderit të tyre në kryeqytetin e Nigerisë, Abuja, të martën, duke vrarë një, e që është dita e dytë e dhunës, ka thënë grupi religjioz.
Trupat të hënën shtien ndaj një marshi të pjesëtarëve të Lëvizjes Islamike të Nigerisë (IMN). Grupi tha se nga të shtënat e së hënës vdiqën së paku 24 protestues, por ushtria tha se janë vrarë vetëm tre persona dhe katër ushtarë janë plagosur, raporton Reuters.
Të martën, policia tentoi të ndalonte qindra pjesëtarë të IMN-së të cilët ishin nisur drejt qendrës së Abujas, atje ku gjenden shumica e ndërtesave qeveritare dhe presidenca, transmeton Koha.net.
Ata po kërkonin lirimin e liderit të tyre Ibrahim Zakzaky, i cili është burgosur që nga dhjetori i vitit 2015 kur forcat e sigurisë vranë qindra persona në aksionin për të shuar grupin.
Zakzaky u akuzua në muajin prill të këtij viti për vrasje në dhunën e vitit 2015, pasi u mbajt për më shumë se dy vjet.
-
69 të vrarë pas një sulmi me armë nga kryengritësit islamikë në Niger
-
Tensione në Nigeri, vdesin të paktën 69 persona
-
Kidnapuesit në Nigeri vrasin 38 pengje
-
32 të vdekur nga stampedot në Nigeri gjatë shpërndarjes së dhuratave të Krishtlindjeve
-
Të paktën 18 të vdekur nga disa shpërthime në veri të Nigerisë