Kancelari gjerman Olaf Scholz ka thënë të enjten se ai kundërshton një procedurë të shpejtë për anëtarësimin e Ukrainës në Bashkimin Evropian.
"Është shumë e rëndësishme që ne të vazhdojmë të ndjekim gjërat që kemi vendosur në të kaluarën," u tha Scholz gazetarëve të enjten përpara një samiti të BE-së në Versajë të Francës.
Scholz iu referua marrëveshjes së asociimit që BE-ja dhe Ukraina arritën në vitin 2017 që synon thellimin e lidhjeve politike dhe ekonomike.
"Ky është kursi që duhet të ndjekim”, ka thënë Scholz.
Udhëheqësi gjerman ka thënë po ashtu se me 27 shtete anëtare në BE, tashmë është e vështirë të merren vendime unanime në BE për çështje të tilla si politika e jashtme, ekonomike dhe financiare.
Ai po ashtu ka theksuar se BE-ja duhet të vazhdojë të zhvillohet në perspektivë "kur bëhet fjalë për marrjen e vendimeve të shumicës të mundshme".
-
Scholz: Pranimi i shpejtë i Ukrainës në BE do të ishte i padrejtë për Ballkanin
-
Scholz: Duam që Ballkani Perëndimor të hyjë shpejt në BE, por s’është proces gjeopolitik
-
Scholz: Zhvillimi i Ballkanit Perëndimor dhe integrimi në BE është me rëndësi për ne
-
Scholz: Forumi i Bashkësisë Politike Evropiane nuk duhet të shndërrohet në institucion
-
Scholz do që Ballkani Perëndimor të përfshihet në zgjerimin e BE-së