Kancelari gjerman Olaf Scholz thotë se bota po paguan çmim të lartë për çmenduritë e presidentit të Rusisë, Vladimir Putin.
Scholz në një intervistë për “T-Online”, ka thënë se Rusia në Ukrainë ka pësuar humbje më të mëdha sesa që kishte pësuar gjatë luftës dhjetëvjeçare në Afganistan.
“Ushtria ruse ka pësuar humbje të mëdha, dukshëm më të mëdha sesa gjatë luftës dhjetëvjeçare në Afganistan”, tha Scholz. “Për shkak të idesë së çmendur të Putinit për zgjerimin e perandorisë ruse, si Rusia ashtu edhe e gjithë bota, po paguajnë një çmim të lartë. Putini duhet të kuptojë se e vetmja rrugëdalje është një marrëveshje me Ukrainën, ndërsa NATO-ja, jo vetëm që nuk është tërhequr, por është forcuar në krahun lindor dhe Aleanca do të bëhet edhe më e fortë me hyrjen e Finlandës dhe Suedisë”.
