Rusia synon të dërgojë muzikantë në vijë të frontit, për ta rritur moralin e ushtarëve

Rusia ka thënë se do të dërgojë muzikantë në vijë të frontit në Ukrainë në tentim për të rritur moralin e ushtarëve, thotë BBC.

Ministria e Mbrojtjes e Rusisë ka njoftuar formimin e “brigadës kreative të vijës së frontit” këtë javë, duke thënë se në të do të përfshihen si vokalistë ashtu edhe muzikantë.

Ministria e Mbrojtjes e Britanisë së Madhe ka përmendur krijimin e kësaj brigade në përditësimin e inteligjencës britanike për gjendjen në Ukrainë.

Ndërkohë, ministri i Mbrojtjes së Rusisë, Sergei Shoigu ka vizituar trupat ruse në vijën e frontit në Ukrainë.