Ish-presidenti rus, Dmitry Medvedev, ka publikuar një hartë ku pos Kievit, territori i Ukrainës shfaqet nën ngjyrën ruse, duke aluduar në pushtimin e saj. Kësaj i ka reaguar ish-ambasadori i Shteteve të Bashkuara të Amerikës, Michael McFaul, duke thënë se kjo është ajo që e synon Rusia.
Ai ka shkruar se kjo hartë e shfaqur nga Medvedev “e shpjegon se çarmatosja e Ukrainës nuk dërgon në paqe”.
“Shikoni hartën e Medvedevit dhe më shpjegoni pastaj se si çarmatosja e Ukrainës do të çojë në paqe. Për mua është e kundërta. Më pak armë për Ukrainën do të thotë më shumë vrasje të ukrainasve, derisa Putini përpiqet t’i pushtojë këto toka ukrainase”, ka shkruar në rrjetin social X McFaul.
Ish-ambasadori amerikan në Rusi ka shtuar se si është e mundur që presidenti ukrainas, Volodymyr Zelensky, të negociojë me presidentin rus, Vladimir Putin, kur Medvedev, tash nënkryetar i Këshillit të Sigurimit të Rusisë, shfaq hartën e një pjese të Evropës në këtë mënyrë.
-
I dërguari rus thotë se është bërë përparim në bisedimet për paqe në Ukrainë
-
Kremlini mbështet Trumpin pas deklaratës së tij për Zelenskyn
-
Trump: Është Zelensky, jo Putini, ai që po e pengon paqen në Ukrainë
-
Putini paralajmëron ta zgjerojë ofensivën në Ukrainë nëse bisedimet e paqes dështojnë
-
Aleatët evropianë kërkojnë më tepër garanci sigurie për Ukrainën