Rusia e ka ndryshuar emrin e rrugës në zonën ku gjendet Ambasada e Shteteve të Bashkuara të Amerikës në Moskë. Rruga do të quhet “Republika Popullore e Donetskut”, shkruan CNN.
Sipas njoftimit të zyrës së bashkisë së Moskës, adresa e re është ndryshuar me emrin e republikës separatiste pro-ruse në Ukrainën lindore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ambasada e SHBA-së në Rusi ka një adresë të re zyrtare”, thuhet në deklaratë. "Tani misioni diplomatik ndodhet në adresën e mëposhtme: Federata Ruse, qyteti i Moskës, territori i brendshëm i rrethit komunal Presnensky, sheshi i Republikës Popullore të Donetskut, ndërtesa 1, ndërtesat 1-9".
Adresa e re u zgjodh pas rezultateve të një votimi publik me afro 280 mijë pjesëmarrës, sipas Bashkisë.
Në maj, këshilltarët e Moskës propozuan të riemërtohej një nga rrugët e Moskës për nder të "mbrojtësve të Donbasit".
Adresa e mëparshme e ambasadës ishte 8 Bolshoi Devyatinsky Lane.