Udhëheqësit e BE-së kanë arritur marrëveshje politike për të ndaluar 90% të importeve të naftës nga Rusia, por janë të ndarë në lidhje me importet e gazit Ata u takuan për një samit dyditor në Bruksel për të diskutuar sanksionet kundër Rusisë. Moska tani ka pushtuar pothuajse të gjithë rajonin e Luhanskut, pasi po fokusohet në marrjen e të gjithë Donbasit në lindje. Në Severodonjeck është sulmuar edhe një depo e acidit nitrik
Njerëzit në Severodonjeck janë paralajmëruar të mos largohen nga strehimoret e bombardimeve dhe të përgatisin maska për t'u mbrojtur nga tymrat toksikë pasi është sulmuar një rezervuar i acidit nitrik, thotë guvernatori rajonal.
Serhiy Haidai thotë se shumica e qytetit lindor të Ukrainës tani kontrollohet nga rusët Pothuajse e gjithë infrastruktura kritike dhe 90% e banesave të saj janë shkatërruar.
Ndërkohë, udhëheqësit e BE-së kanë arritur marrëveshje politike për të ndaluar 90% të importeve të naftës nga Rusia, por janë të ndarë në lidhje me importet e gazit
Ata u takuan për një samit dyditor në Bruksel për të diskutuar sanksionet kundër Rusisë
Moska tani ka pushtuar pothuajse të gjithë rajonin e Luhanskut, pasi po fokusohet në marrjen e të gjithë Donbasit në lindje.
“Kishte gjoja një sulm ajror në fabrikën kimike në Severodonjeck, i cili goditi rezervuarin me mbetjet e acidit nitrik”, thotë ai.
Rusia nuk lejon korridore humanitare
Bazuar në një rrjedhje të mëparshme kimike, Serhiy Haidai parashikon se mund të ketë një kërcënim për njerëzit në një rreze prej 400 metrash nga shpërthimi. “Jashtë atij perimetri, njerëzit mund të pësojnë irritim të syve. Për momentin nuk ka asnjë mundësi për evakuimin e ndonjë prej 15.000 banorëve që mbeten në Severodonjeck - pasi është nën sulm të vazhdueshëm nga rusët”, thotë ai. "Rusët nuk ofrojnë korridore humanitare", thotë ai. "Shtatëdhjetë deri në tetëdhjetë për qind e qytetit kontrollohet nga ushtria ruse. Qyteti fqinj i Lysychanskut është nën kontrollin e plotë të Ukrainës", shton ai.
Një ish-ministër i Mbrojtjes në Ukrainë ka thënë se vendi i tij mund ta fitojë luftën me më shumë armë nga Perëndimi.
“Sapo të marrim më shumë armë, veçanërisht ato armë artilerie që po dërgohen tani nga Perëndimi, ne mund të shkojmë në kundërofensivë”, tha Andriy Zagorodnyuk.
Ai tha se forcat ruse ishin "në kapacitetin maksimal" dhe po hidhnin gjithçka në luftën në Donbas.
"Ata po sjellin të gjitha pajisjet e tyre e kështu me radhë - dhe kështu aktualisht janë në maksimum të kapacitetit të tyre, në maksimum të aftësisë së tyre”.
"Ukraina definitivisht nuk po ndryshon strategjinë. Ne jemi absolutisht të vendosur për të fituar. Ne e dimë se mundemi. Ne e dimë se ushtria jonë është shumë më efikase dhe më efektive se ajo e Rusisë "E vetmja gjë që na duhet është të ripajisim veten me armë shtesë dhe ne mund ta bëjmë këtë”.
Gjermania ndihmon Ukrainën me tanke
Kancelari gjerman, Olaf Scholz, ka njoftuar se vendi i tij do t’ia dërgojë tanket moderne Greqisë që ajo t’i zëvendësojë tanket e veta të kohës sovjetike, dërguar Ukrainës.
Berlini ka ujdi të ngjashme me një numër shtetesh që kanë tanke të epokës sovjetike, të cilat mund të përdoren nga ushtarët ukrainas pa stërvitje.
Deri më tani, Gjermania ka arritur marrëveshje me Sllovakinë, Republikën Çeke dhe Poloninë.
Gjermania po trajnon gjithashtu ushtarë ukrainas në Gjermani për armët e rënda moderne, të cilat më pas do t'i dërgohen ish-republikës sovjetike.
Ministrat gjermanë thonë se Berlini po dërgon shumë armë në luftë, edhe pse shumëkush mendon se Gjermania nuk po bën mjaftueshëm. Ka një presion në rritje në Gjermani që dërgesat të përshpejtohen.
Ukraina dënon me nga 11 vjet burgim dy ushtarë rusë
Dy ushtarë rusë janë dënuar me nga 11 vjet e gjysmë burgim për krime të luftës, nga një gjykatë në qytetin ukrainas Kotelva. Aleksander Bobikin dhe Aleksander Ivanov e kanë pranuar fajësinë për akuzat ndaj tyre. Të dy ishin anëtarë të një njësie ushtarake, e cila ndër të tjera, ka bombarduar një shkollë në Harkivin verilindor.
Ushtarët të cilët më vonë u kapën nga ushtria ukrainase, e kanë dëgjuar verdiktin e gjykatës nga një kuti xhami. Avokatët e tyre kanë argumentuar se ushtarët vetëm sa i kanë përmbushur urdhrat dhe se ishin të obliguar të kryenin krime, mirëpo gjykata i ka hedhur poshtë këto argumente.
Gjykimi ndaj këtyre dy ushtarëve shënon procesin e dytë gjyqësor që kur ka nisur pushtimi rus i Ukrainës. Procesi i parë është mbajtur ndaj ushtarit 21-vjeçar, Vadim Shishimnarin, i cili është dënuar me burgim të përjetshëm për vrasjen e një civili ukrainas.
Bjellorusia nderon spiunët e Putinit
Presidenti i Bjellorusisë, Alexander Lukashenko, u ka dhënë çmime shtetërore agjentëve lokalë të KGB-së për punën e tyre gjatë operacionit për të shpëtuar shoferët bjellorusë të kamionëve të bllokuar në Ukrainë kur Rusia e pushtoi në shkurt.
Lukashenko tha në televizionin shtetëror se pasi filloi i ashtuquajturi "operacion special" i Rusisë, disa dhjetëra shoferë u bënë "peng të situatës" dhe duhej të ktheheshin në shtëpi nga shërbimet bjelloruse të sigurisë. Ai tha se dy nga shoferët u vranë.
“Ju jam mirënjohës për operacionin e kryer nga ju për të çliruar njerëzit tanë, praktikisht nga robëria”, tha Lukashenko.
Aleati i palëkundur i Vladimir Putinit, Lukashenko, ngriti vetullat në fillim të këtij muaji kur tha se lufta ishte "zvarritur" - duke mbrojtur gjithashtu pushtimin e Rusisë.
Bjellorusia ndan kufi të gjatë me Ukrainën dhe Rusia dërgoi trupa nga atje kur filloi pushtimin e saj.
Përgatiti: Rexhep Maloku