Rusia ka publikuar marrëveshjen që ka arritur me rajonet separatiste në Ukrainë, atë të Donetzkut dhe Luhanskut.
Në këtë traktat thuhet se do t’i dalin në mbrojtje njëra-tjetrës në rast të një sulmi dhe autorizohet Rusia të ndërtojë infrastrukturë ushtarake në territorin separatist , më saktësisht brenda territorit të Ukrainës.
Po ashtu, siç njofton “ABC News” me këtë marrëveshje Rusia dhe forcat separatiste do të ruajnë së bashku kufijtë.
Një zyrtar i lartë i administratës amerikane ndërkohë thotë se Rusia po vazhdon përgatitjet për pushtimin e Ukrainës. Ai ka thënë se pushtimi mund të ndodhë brenda orëve në vijim apo ditëve në vijim.
Presidenti i Rusisë, Vladimir Putin, ka njohur me dekret zyrtarisht pavarësinë e rajoneve separatiste, atij të Donetzkut dhe Luhanskut, ndërsa me dekret ka thënë se do të dërgohen trupa paqeruajtëse në këto rajone.
Ndërkohë krerët e forcave të mëdha perëndimore kanë dënuar veprimin e Putinit, ndërsa kanë paralajmëruar sanksione.
Edhe
Putini zotohet ta marrë Donbasin me çdo mjet
SHBA-ja ndërkohë raportohet se i ka bërë thirrje presidentit të Ukrainës, Volodymyr Zelenskyt, që të largohet në Lviv për shkaqe sigurie.
Shkaku i ngjarjeve të fundit nuk pritet të ketë takim mes presidentit të SHBA-së, Joe Biden dhe atij të Rusisë, Vladimir Putin.
