Rusia e shpall “agjent të huaj” njërin nga autorët më të njohur

Rusia e ka shpallur Boris Akunin, një nga novelistët më të njohur të vendit, agjent të huaj, shkruan BBC të shtunën.

Akunin u shtua në një regjistër të “terroristëve dhe ekstremistëve” nga Ministria ruse e Drejtësisë për kundërshtimet e tij ndaj pushtimit rus të Ukrainës.

67-vjeçari është i njohur për kritikat ndaj presidentit Vladimir Putin.

Para luftës, romanet e Akunin ishin më të shiturat në Rusi, derisa autoritetet ndaluan librat e tij.

Ministria e Drejtësisë ka thënë në një deklaratë se Akunin - emri i vërtetë i të cilit është Grigory Chkhartishvili – “kundërshtoi operacionin special ushtarak në Ukrainë”.

Ministria shtoi se Akunin kishte “shpërndarë informacion të rremë që synonte të krijonte një imazh negativ” të Rusisë dhe ushtrisë së saj.

Edhe Botë 2 sht 2023 Rusia e shpall laureatin e Nobelit si “agjent të huaj”

Ministria e akuzoi atë se ka ndihmuar në mbledhjen e fondeve për të mbështetur ushtrinë ukrainase.

Në ditën kur Rusia nisi pushtimin e saj në shkallë të plotë të Ukrainës, Akunin shkroi: “Rusia udhëhiqet nga një diktator i çmendur psikologjikisht dhe më e keqja nga të gjitha, ajo ndjek me bindje paranojën e tij”.

Duke iu përgjigjur njoftimit të Ministrisë së Drejtësisë të premten vonë, Akunin - i cili jeton në Londër - shkroi: “Terroristët më shpallën terrorist”.