Rusia dështoi në organizimin e ofensivës dimërore në Ukrainë

Ministria britanike e Mbrojtjes publikoi raportin e fundit nga fusha e betejës ukrainase, ku thuhet se shefi i shtabit të përgjithshëm rus, Valery Gerasimov, e shpërdoroi avantazhin në fuqi punëtore dhe se plani i tij për të nisur një ofensivë të përgjithshme dimërore me viktima të mëdha dështoi.

Në fillim ata theksojnë se gjenerali Gerasimov mori komandën e “operacionit special ushtarak” në Ukrainë më 11 janar 2023.

“Mandati i Gerasimov karakterizohet nga një përpjekje për të nisur një ofensivë të përgjithshme dimërore që synonte zgjerimin e kontrollit rus mbi të gjithë rajonin e Donbasit. 80 ditë më vonë, është gjithnjë e më e qartë se ky projekt ka dështuar”, sipas inteligjencës britanike.

Ata besojnë se forcat ruse arritën vetëm përfitime të vogla në disa pjesë të frontit në Donbas me koston e dhjetëra mijëra viktimave.

“Pas dhjetë vjetësh në krye të komandës ruse, ekziston një mundësi reale që Gerasimov po i shtyn kufijtë se deri ku udhëheqja politike ruse do të tolerojë dështimin rus”, përfundoi Ministria britanike e Mbrojtjes.

Ata shtojnë se në këto aksione kanë humbur në masë të madhe avantazhin e përkohshëm në fuqi punëtore të fituar gjatë “mobilizimit të pjesshëm” të vjeshtës.