Një aeroplan Boeing-737 ukrainas me më shumë se 170 njerëz në bord është rrëzuar në Iran, raportojnë mediat lokale.
Organizata humanitare “Gjysmëhëna e Kuqe” e Iranit tha se nuk kishte gjasa për të gjetur të mbijetuar.
Aeroplani u rrëzua menjëherë pas ngritjes nga aeroporti iranian “Imam Khomeini” në Teheran, tha agjencia e lajmeve shtetërore Fars.
Raportet bëjnë të ditur se aeroplani ishte rrugës për në kryeqytetin ukrainas të Kijevit.
Është e paqartë nëse incidenti është i lidhur me tensionet ndërmjet Iranit dhe Shteteve të Bashkuara.
Ekuipazhet e shpëtimit janë dërguar në zonë, afër aeroportit, ku u rrëzua avioni.
Edhe
Hollësi të reja rreth goditjes nga Irani të aeroplanit ukrainas me 176 pasagjerë
Presidenti ukrainas, Volodymyr Zelensky tha se po bëhen përpjekje për të kuptuar rrethanat e aksidentit dhe numrin e viktimave.
"Ngushëllimet e mia të sinqerta për të afërmit dhe miqtë e të gjithë pasagjerëve dhe ekuipazhit," tha ai në një deklaratë.
-
Irani do t’i kompensojë me nga 150 mijë dollarë familjet e viktimave të aeroplanit që e rrëzoi
-
Ukraina kërkon dënimin e iranianëve përgjegjës për rrëzimin e aeroplanit
-
Irani konfirmon se avioni ukrainas u godit me dy raketa
-
Irani arreston personin që ka filmuar pamjet e rrëzimit të avionit të pasagjerëve ukrainas