“Rrezik i madh” për sulme gjatë festave të fundvitit, paralajmëron BE-ja

Ekziston “një rrezik i madh për sulme terroriste në Bashkimin Evropian” përgjatë festave të fundvitit, ka thënë një zyrtar i BE-së.

Komisionerja për çështje të brendshme, Ylva Johansson, ka thënë se polarizimi në shoqëri i shkaktuar nga lufta Izrael-Hamas ka rritur rrezikun për dhunë, raportoi BBC.

Deklaratat e saj erdhën disa ditë pasi një turist u ther për vdekje në Paris.

BE-ja ka ofruar edhe 30 milionë euro për siguri shtesë, ka thënë ajo.

Johansson nuk ka treguar nëse ka informacione specifike që kanë çuar në paralajmërimin.

Një paralajmërim i njëjtë erdhi edhe nga ministrja e Brendshme gjermane, Nancy Faeser, që tha se BE-ja duhet të mbajë sytë hapur për kërcënime dhe propaganda.