Në veriperëndim të Rusisë është filmuar një pronë sekrete që për pronar ka presidentin e Rusisë, Vladimir Putin. Këshilltari i Ministrisë së Punëve të Brendshme të Ukrainës, Anton Gerashchenko, ka publikuar pamje nga Karelia, një provincë në kufi mes Rusisë e Finlandës, ku thotë se është rezidenca e fshehur e Putinit.
“Rezidenca e fshehtë në veri e Putinit në Karelia po cenon gjithnjë e më tepër zona të mbrojtura dhe territori i saj tashmë është dyfishi i madhësisë së Monakos”, ka shkruar Gerashchenko në rrjetin social X.
Kjo është hera e parë që prona u filmua në detaje që nga fillimi i ndërtimit të saj, 10 vjet më parë. Spas dokumenteve të publikuara, sipërfaqja e rezidencës është rreth 1 kilometër katror, por marrë parasysh pyjet dhe gjiret e mbyllura, sipërfaqja aktuale është rreth katër kilometra katrorë.
Zona është e mbyllur me tela gjemborë dhe siguria thuhet se është maksimale, thuhet në një raportim të Mirrow Now.
Afër rezidencës, sipas zyrtarit ukrainas, gjendet ujëvara Marjalahti.
Edhe
Zbulohet në detaje bunkeri sekret i Putinit
Supozohet se kjo vilë e presidentit rus mbrohet edhe nga sistemi antiajror Pancir-S1.
Zona kultivon peshkun dhe mban fermë për lopë e viça.
