Presidenti rus Vladimir Putin ka thënë se Rusia nuk ishte përgjegjëse për krizën globale të ushqimit, duke fajësuar Perëndimin për pengimin e eksportit të grurit rus.
Duke folur në një samit virtual të Brics Plus që mblodhi së bashku liderët e 17 vendeve duke përfshirë Kinën, Indinë, Brazilin dhe Afrikën e Jugut, lideri rus e përshkroi tregun e ushqimit si "të pabalancuar në mënyrën më serioze".
Putin akuzoi vendet perëndimore, veçanërisht SHBA-në, për "destabilizimin e prodhimit bujqësor global" me kufizime në dërgimin e plehrave nga Rusia dhe Bjellorusia, dhe duke e bërë të vështirë për Moskën eksportin e grurit.
Ai ka thënë se rritja e çmimeve të produkteve bujqësore si gruri ka prekur më shumë vendet në zhvillim, "ku buka dhe mielli janë një mjet i domosdoshëm për mbijetesë për shumicën e popullsisë".
Putini hodhi poshtë "histerinë" rreth drithit që është bllokuar në portet e Ukrainës dhe pretendoi se nuk do të zgjidhte asnjë problem në tregun global të drithit.
-
Putini e pezullon, por nuk e përfundon marrëveshjen e eksportit të grurit në Detin e Zi
-
Rusia e fajëson Perëndimin për rrezikun e krizës globale të ushqimit
-
Putini paralajmëron konflikt global
-
BE-ja kërkon zgjidhje për eksportin e grurit të Ukrainës
-
Putin: S’ka marrëveshje të re gruri derisa Perëndimi të përmbushë kërkesat e Rusisë