Putin: Rusia e gatshme të trajnojë luftëtarë të huaj

Rusia është gati të furnizojë me pajisje ushtarake vendet aleate në Amerikën Latine, Azi dhe Afrikë duke shtuar se Moska është e hapur për trajnime të luftëtarëve të huaj, tha presidenti rus, Vladimir Putin gjatë ceremonisë së hapjes “Ushtria – 2022” të hënën.

“Rusia sinqerisht ushqen lidhje të forta historikisht, miqësore dhe vërtet të besueshme me vendet e Amerikës latine, Azisë dhe Afrikës. Ne jemi të gatshëm t’u ofrojmë aleatëve tanë llojet moderne të armëve, nga armët e vogla, te mjetet e blinduara dhe artilieria deri te aviacioni luftarak dhe mjetet ajrore pa pilot”, tha Putini. “Ne e vlerësojmë shumë faktin që vendi ynë ka shumë aleatë, partnerë, njerëz me menjte të njëjtë në kontinente të ndryshme”, shkruan CNN-i të hënën.

Putini theksoi gjithashtu se avantazhet e trajnimit të ushtarëve të huaj në Rusi dhe tha se Rusia fton aleatët të bëjnë stërvitje të përbashkëta ushtarake.

“Ne shohim gjithashtu perspektiva të mëdha në trajnimin e ushtarakëve të huaj dhe trajnimin e tyre të avancuar. Mijëra profesionistë ushtarakë nga e gjithë bota janë studentë krenar të universiteteve dhe akademive ushtarake të vendit tonë”, tha Putini.

Rusia do të vazhdojë të punojë me energji në këtë fushë të rëndësishme, tha ai.