Punëtorët në sektorin e shëndetësisë në Venezuelë protestuan për të kërkuar më shumë burime për sektorin e tyre, mes raporteve për mungesë të barnave në shtetin e pasur me naftë.
Mjekët, infermierët dhe punonjësit e tjerë të sistemit shëndetësor kërkojnë kushte më të mira pune, meqë ata luftojnë me mungesën e furnizimeve bazë, transmeton KTV.
Sipas raporteve nga Federata e Farmacistëve të Venezuelës, 90% e barnave esenciale dhe furnizimeve mjekësore janë në nivele të pakta.
Përndryshe, Venezuela përballet me krizën më të rëndë politike dhe humanitare në dekada.
