Kompania që ka prodhuar armën që është përdorur në një prej sulmeve më të rënda me armë në shkolla në SHBA, u ka ofruar 33 milionë euro dëmshpërblim disa familjeve.
Marrëveshja e propozuar për masakrën e vitit 2012 në Sandy Hook nga kompania Remington, që është prodhuesi më i vjetër i armëve në Amerikë, erdhi pas seancës dëgjimore për falimentimin për kompaninë.
Po ashtu është në reagim ndaj padisë së ngritur nga familjet e nëntë viktimave. Në sulmin në Sandy Hook, Adam Lanza 20-vjeçare atëbotë kishte shtënë dhe vrarë 26 persona, përfshirë 20 fëmijë të moshave nga 6-7 vjeçare dhe gjashtë mësues. Ai më herët atë ditë, para se të shkonte në shkollë, qëlloi për vdekje nënën e tij. Derisa erdhën forcat e rendit në shkollë, Lanza kreu vetëvrasje.
Në marrëveshjen e propozuar, secila nga nëntë familjet do të marrë nga 3.66 milionë dollarë. Por, kjo duhet aprovuar nga gjykatësi në Alabama që po merret me rastin e falimentimit të Remingtonit.
Shifra është më e vogël krahasim me atë që kanë kërkuar familjet. Familjet kishin kërkuar 225 milionë dollarë.
Një avokat i familjeve ka thënë se do të shihet se çfarë do të jenë hapat e radhës.
-
Prodhuesi i armëve pajtohet të paguajë 73 milionë dollarë për familjet e viktimave në Sandy Hook
-
Dhjetë të vdekur dhe 25 të plagosur nga dy sulme në Kanada
-
SHBA-ja aprovon shitjen e armëve në vlerë prej 3 miliardë dollarë për Izraelin
-
Detaje të reja për sulmin me armë në shkollën në Wisconsin të SHBA-së
-
Tre të vdekur e gjashtë të plagosur në sulmin në një shkollë në SHBA