Një problem teknik ka lënë në terr gjithë Argjentinën dhe Uruguain. E ky problem ka prekur edhe disa pjesë të Brazilit e Paraguait.
Mediat në Argjentinë kanë raportuar se mungesa e energjisë elektrike ka shkaktuar tollovi në komunikacion dhe në qarkullimin e trenave, transmeton KTV. Problemi me rrymën ndodhi në ditën kur disa pjesë të Argjentinës po ua mësynin kutive të votimit për zgjedhjet lokale.
Korporata energjetike e këtij shteti latin, ka njoftuar se problemi është te lidhja ndërshtetërore mes Argjentinës dhe Uruguait. Mungesa e energjisë elektrike ka prekur 48 milionë banorë të qyteteve të njohura si Buenos Aires, Santa Fe, San Luis, Cordoba e Mendoza.
