Një prift ortodoks rus është nën hetim pasi u incizua duke bekuar një statujë të re të diktatorit sovjetik, Joseph Stalin.
Incidenti ndodhi kur u zbulua monumenti tetë metra në qytetin Velikiye Luki.
Në një deklaratë, dioqeza e priftit ka thënë se veprimet e tij nuk përfaqësojnë pikëpamjet e kishës.
Stalini udhëhoqi Bashkimin Sovjetik nga viti 1924 deri më 1953 dhe mbikëqyri një regjim brutal që u përpoq të eliminonte fenë.
Sipas faqes ruse të lajmeve Sota, prifti pranoi se një numër i madh klerikësh u vranë gjatë pushtetit të Stalinit, raportoi BBC.
Edhe
I mbijetoi për vite represionit politik në Rusi, deri kur në derë i trokitën burrat e maskuar
Llogariten dhjetëra mijëra klerikë në mesin e miliona njerëzve të vrarë gjatë regjimit komunist të Stalinit.
Megjithatë, ka një numër në rritje të rusëve që e kanë parë nga një kënd më pozitiv Stalinin në vitet e fundit. Presidenti Vladimir Putin dhe zyrtarë të tjerë e kanë promovuar si liderin që udhëhoqi shtetin drejt fitores kundër Gjermanisë naziste në Luftën e Dytë Botërore.
