Të paktën pesë raketa kanë rënë pranë ambasadës Amerikane në kryeqytetin irakian të Bagdadit të dielën, sipas burimeve të sigurisë që folën për AFP.
Gazetarët e AFP dëgjuan disa persona që thanë me zë të lartë që predhat ranë në zonën e West Bank e Tigris, ku ndodhet ambasada amerikane dhe shumica e misioneve të tjera diplomatike të huaja.
Një burim tha që tre raketa Katyusha ranë pranë kompleksit të sigurisë së lartë, ndërsa një tjetër tha se pesë predha goditën zonën.
Më vonë forcat e sigurisë së Irakut thanë në një deklaratë se pesë raketa goditën Zonën e Gjelbër me siguri të lartë por pa viktima.
Tensionet në Bagdad mbeten të larta pas javëve të protestave, me demonstruesit që shprehin zemërimin dhe lodhjen për menaxhimin e qeverisë irakiane dhe vazhdimin e qëndrimit të forcave amerikane në vend.
Më 6 janar, dy raketa goditën pranë ambasadës amerikane në kryeqytetin e Irakut, pasi ambasadori u thirr për një sulm amerikan që vrau një komandant të lartë iranian.
Edhe
Sulmohet me dronë ambasada amerikane në Bagdad
Sulmi i së dielës ishte nata e dytë me radhë që Zona e Gjelbër goditet dhe hera e 15-të gjatë dy muajve të fundit që instalimet e SHBA janë shënjestruar.
Vrasja e gjeneralit iranian Qassem Soleimani në një sulm ajror në fillim të këtij muaji ka nxitur zemërim në rrugët e Irakut, duke çuar në thirrje të “Vdekjes për Amerikën” në një numër demonstrimesh të mbushura në të gjithë vendin.
