Në historinë politike moderne të Shteteve të Bashkuara pak presidentë ia kanë dalë të kenë vit të dytë të mbarë, sikurse demokrati Joe Biden.
Kur nisi viti 2022, Bideni gëzonte 43 për qind të përkrahjes popullore – shtatë pikë më pak se në gushtin e vitit 2021. Me ngritjen e inflacionit pas luftës në Ukrainë dhe ekonomisë në rënie, demokratët nën Bidenin ia dolën të ruanin kontrollin e Dhomës së Përfaqësuesve në zgjedhjet e mesmandatit në nëntor, duke zbehur gjasat për një reprizë dueli në zgjedhjet e vitit 2024 me Donald Trumpin, i cili u sulmua edhe nga bashkëpartiakë se nuk ua solli republikanëve fitoren e dyfishtë për kontrollin e Kongresit.
Mbase më e rëndësishmja për Bidenin është se ia doli t’i mbante rreth vetes demokratët me konsolidimin e mbështetjes partiake për presidencialet e vitit 2024.
Bideni ishte mbështetësi më i madh i Ukrainës në luftën kundër Rusisë, duke ofruar përkrahje të parezervë në furnizimin me armë të sofistikuara, përfshirë edhe sistemin raketor “Patriot”. E, në vizitën e parë jashtë vendit pas shpërthimit të luftës, presidenti ukrainas qëndroi në Shtëpinë e Bardhë.
-
Situata po përkeqësohet për Bidenin, Trumpi mund ta fitojë garën për president
-
Bideni në nivelin më të ulët të mbështetjes mes amerikanëve
-
Bideni nuk ia doli ta kthente unitetin e brendshëm, por ktheu aleatët e jashtëm
-
Bideni i bindur se do ta mposhte sërish Trumpin
-
Biden: Vullneti i popullit ngadhënjen gjithnjë