Për Putinin 70% të votuesve, tjetër s’ka

Moskë, 1 shkurt – Në zgjedhjet e ardhshme presidenciale në Rusi do të marrin pjesë në votim 71 për qind e qytetarëve, ndërsa 70 për qind e tyre do të votojnë për Putinin, thonë sondazhet e atjeshme, transmeton Koha.net.

Qendra gjithëruse për hulumtimin e opinionit publik (VCIOM), pro Kremlinit, ka publikuar rezultatet e hulumtimit të opinionit para zgjedhjeve presidenciale në Rusi, që do të mbahen më 8 mars, sipas të cilave vetëm 3 për qind e qytetarëve janë deklaruar se nuk do të marrin pjesë në votim, po aq beson se nuk do të marrë pjesë dhe 11 për qind janë të papërcaktuar.

Për presidentin aktual të Rusisë, Putinin, dëshirojnë të votojnë 69,9 për qind e të anketuarve, për kandidatin e Partisë Komuniste Pavle Grudin 7,2 për qind , për liderin e Partisë Liberale Demokratike të Rusisë, Vlladimir Zhirinovski 5,9 për qind, për kandidatin e Nismës Qytetare Ksenija Sobçak 1,2 për qind... të tjerë s’ka.