Ish-zëvendëspresidenti amerikan, Mike Pence, ka realizuar vizitën e befasishme në Ukrainë dhe ka udhëtuar në qytetet e shkatërruara nga lufta me Rusinë. Pence, i cili këtë muaj ka nisur fushatën për nominimin presidencial nga republikanët, ka qenë kritik i madh i pushtimit të Ukrainës nga forcat e presidentit Vladimir Putin.
Pence i ka bërë thirrje vendit të vet që ta ndihmojë edhe më shumë Ukrainën me armatim dhe ka kritikuar rivalët e tij republikanë që kanë vënë në dyshim përfshirjen e SHBA-së, duke thënë se nuk ka hapësirë për përkrahësit e Putinit.
Ai ka insistuar se SHBA-ja duhet të ketë edhe më shumë rol në skenën botërore duke kundërshtuar republikanët që kanë thënë se SHBA-ja duhet të ketë rol më të kufizuar.
Pence ka qëndruar në Ukrainë për 12 orë. Përveç takimit me presidentin Zelensky, ish-zëvendëspresidenti amerikan është njoftuar për krimet e luftës që ka kryer Rusia, duke tjetërsuar fëmijët ukrainas.
Ky ishte udhëtimi i dytë i Pence në rajon. Në marsin e vitit 2022, ai vizitoi kufirin mes Ukrainës dhe Polonisë. Gjatë këtij udhëtimi ai shpërndau ndihma për refugjatët që po iknin nga pushtimi rus i Ukrainës.
-
Një delegacion ukrainas po qëndron në SHBA për të diskutuar fundin e luftës
-
Zelensky thotë se Rusia po e ndërlikon përfundimin e luftës
-
Putin: SHBA-ja po bën përpjekje të sinqerta për t’i dhënë fund luftës në Ukrainë
-
Vance: Marrëveshja e paqes në Ukrainë s’do të kënaqë asnjërën palë
-
Vance për fundin e luftës në Ukrainë: Rusët po kërkojnë shumë