Qeveria kineze i ka paraqitur një ankesë zyrtare SHBA-së lidhur me çështjen e ishullit të Tajvanit, njofton CRI-ja.
Geng Shuang, zëdhënës i Ministrisë së Jashtme kineze, deklaroi se Pekini i ka shprehur Uashingtonit pakënaqësinë e tij, lidhur me pjesëmarrjen e zyrtarëve amerikanë në ceremoninë e përurimit të ndërtesës së re të Institutit Amerikan në Tajvan.
“Ne jemi shumë të shqetësuar nga këto njoftime dhe i kemi shprehur SHBA-së pakënaqësinë tonë. Duhet të bëjmë të qartë se dërgimi i zyrtarëve të SHBA-së në Tajvan, sipas çfarëdolloj preteksti, është një shkelje e rëndë e parimit të ‘Një Kine të vetme’ dhe të tre komunikatave të përbashkëta kino-amerikane, që përbëjnë një ndërhyrje në çështjet e brendshme të Kinës dhe shkaktojnë një ndikim negativ në marrëdhëniet kino-amerikane”, thuhet në reagimin e Kinës.
Zyrtarët kinezë deklaruan se një veprim i tillë minon paqen dhe stabilitetin përgjatë brigjeve të ngushticës së Tajvanit dhe i bënë thirrje palës amerikane të mbajë premtimet e saj lidhur me çështjen e Tajvanit.
-
Kina “paralajmëron” SHBA-në për uljen e avionit ushtarak në Tajvan
-
Kina kritikon legjislacionin e SHBA-së që autorizon pakon ushtarake për Tajvanin
-
Kina i thotë SHBA-së se “kurrë s’do të bëjë kompromis” për çështjen e Tajvanit
-
Kina i bën thirrje SHBA-së “t’i ndalë provokimet”
-
Tajvani i gatshëm për përballje me ushtrinë kineze