Kina ka thënë se “kurrë s’do të bëjë kompromis” për çështjen e Tajvanit, në bisedimet e para në nivel të ushtarak me SHBA-në që nga viti 2021, raporton “BBC”.
Kina i ka bërë thirrje SHBA-së që ta “ndalojë armatimin e Tajvanit” dhe t’i marrë shqetësimet e saja “shumë seriozisht”.
Kjo vjen vetëm disa ditë përpara zgjedhjeve në Tajvan, të cilat mund ta shtyjnë ishullin më tej – ose larg – nga Pekini.
Kina pretendon se Tajvani është pjesë e territorit të saj, por ishulli e sheh veten të pavarur nga Kina.
“Kina shprehu gatishmërinë e saj për të zhvilluar marrëdhënie të shëndetshme dhe të qëndrueshme ushtarake me SHBA-në të mbështetur mbi parimin e barazisë dhe respektit”, thuhet në deklaratën e Ministrisë së Mbrojtjes të Kinës.
Në deklaratë thuhet se SHBA-ja duhet t’i marrë “seriozisht” shqetësimet e Kinës, duke shtuar se Pekini “nuk do të bënte asnjë lëshim apo kompromis në lidhje me Tajvanin dhe do të kërkonte që pala amerikane ta respektojë parimin e një Kine, të ndalojë armatimin e Tajvanit, dhe të mos e mbështes pavarësinë e Tajvanit”.
Edhe
Trumpi paralajmëron se do ta thyejë protokollin 47-vjeçar në lidhje me Tajvanin
Tajvani është pikë kyçe në betejën e Kinës dhe SHBA-së për supremacinë në Azi. Në vitin 2022, Kina refuzoi t’i rifillonte bisedimet në shenjë proteste pasi kryetarja e atëhershme e Dhomës së Përfaqësuesëve të SHBA-së, Nancy Pelosi vizitoi Tajvanin në gusht të vitit 2022.
Rifillimi i bisedimeve këtë javë, i pasoi një marrëveshjeje të arritur mes presidentit të SHBA-së, Joe Biden dhe homologut të tij kinez Xi Jinping gjatë takimit në nëntor. Bisedimet dyditore përfunduan në Washington të martën.
